fbpx

Бејли: Изборната кампања да биде без заплашувања и насилство

-

Амбасадорот на САД во Македонија, Џес Бејли, се приклучи кон заедничката изјава на амбасадорите на земјите членки на Европската Унија во Скопје, кои во петокот порачаа дека изборите на 11 декември се можност земјата да направи нов почеток, да се обедини околу своите стратешки цели и да се врати на патот кон европската интеграција.

Бејли на својот твитер-профил ја сподели заедничката изјава на амбасадорите на земјите членки на ЕУ и напиша дека се согласува со своите колеги од Европската Унија.

„Целосно се согласувам со моите колеги од ЕУ со нивната изјава. Секој глас е важен и ги повикуваме сите граѓани да го употребат своето демократско право, да гласаат и да ја обликуваат иднината на својата земја. Лидерите треба да спроведат кампања без заплашувања и насилство и да не подгреваат политички и меѓуетнички тензии“, напиша Бејли.

Во изјавата на ЕУ-амбасадорите се вели дека само фер кампања и веродостојни избори ќе бидат потврдени од меѓународните набљудувачи и ќе им дадат на новата влада и на парламентот силен мандат. Главен приоритет, велат амабасадорите, ќе биде политичките актери да се вклучат искрено во спроведувањето на сите елементи од процесот од Пржино, а особено да се посветат на итните реформи.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Распишан конкурс за наградата „23 Октомври“

Одборот за доделување на државната награда „23 Октомври“, распиша конкурс за доделување на државната наградата за 2024 година. „Со државната награда се оддава највисоко признание за долгогодишни остварувања во областа...