Бебе-лама, пртсеноопашест лемур, бебе од видот двогрба камила и берберска овца се четирите новордоенчиња во Зоолошката градина во Скопје кои доаѓаат еден месец по веста за раѓањето на лавчињата.
Од Скопје ЗОО информираат дека за прв пат имаат двогрба камила од видот Бактријан што се роди минатата недела и неговото име е Буби, додека во зоолошката секоја година се раѓаат по неколку лемури.
По веста за првите принови – лавчињата, овие убави вести за останатите принови се должат на генерално младите животни кои во ЗОО Скопје пристигнале во и околу 2020 година и сега се доволно зрели за репродукција.
„Дополнително, животните се веќе навикнати на своите живеалишта, а пролетта со сите свои убавини е време кога се очекуваат принови од животните“, изјави за „Мета.мк“ Тина Мицковска, потпаролка на ЗОО Скопје.
Мицковска додава дека деновиве следат уште изненадувања за уште нови животни.
