ПСЖ ќе се сретне со Челси, а Барселона ќе игра со Манчестер сити во осминафиналето од Лигата на шампионите. Ова се најинтересните дуели извлечени денес на жребката во Нион за нокаут-фазата што ќе почне во февруари наредната година. Во останатите натпревари, Шалке ќе ги одмери силите со бранителот на трофеојт Реал Мадрид, Шахтјор со Баерн Минхен, Базел ќе се соочи со Порто, Борусија Дортмунт со Јувентус, Барен Леверкузен со Атлетико Мадрид, а Арсенал ќе игра со Монако.
Првите натпревари од осминафиналето ќе се играат на 17 и на 18 февруари, како и на 25 и на 26 февруари, додека реванш-дуелите се закажани за 10 и за 11 март, односно за 17 и за 18 март.