fbpx

Бактеријата МРСА пронајдена кај дете и воспитувачка во градинка во Кисела Вода

-

Бактерија МРСА (Methicillin-resistant Staphylococcus aureus) е изолирана кај дете и воспитувачка во клонот „Кокиче“ во градинката „Весели цветови“ во Кисела Вода. Во епидемиолошкото одделение во Центарот за јавно здравје информираат дека ситуацијата е под контрола и апелираат родителите да не креваат паника.

– Направивме епидемиолошки увид, дадовме препораки да се дезинфицира градинката. Бактеријата не е опасна за здрави деца, опасна е за пациенти кои биле на болничко лекување односно кај лица со намален имунитет. Опасна е и за новороденчињата – велат во Центарот.

Во февруари годинава имаше четворица пациенти со МРСА во градинка „Снежана“ во Чаир и во осноното училиште „Панајот Гиновски“ во Бутел.

Според микробиолозите, бактеријата ако е изолирана во градинка или во училиште, не е опасна. МРСА е стафилококна бактерија, која е поотпорна на антибиотици, но стафилококни бактерии во носот имаат 30 отсто од населението, а најчесто децата. Тие смируваат дека бактеријата не предизвикува болест кај здрави деца.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...