fbpx

Бакојани: Грција ќе се најде под голем притисок на Самитот на НАТО

-

Поранешната шефица на грчката дипломатија, Дора Бакојани, предупреди дека Грција ја чекаат сериозни притисоци околу приемот на Македонија во НАТО на следниот Самит на Алијансата во Варшава.

Бакојани апелираше грчкото министерство за надворешни работи да почне сериозно да се подготвува, коментирајќи дека Македонија има засилена улога благодарение на бегалската криза, а актуелната грчка влада ја нема истата поддршка што ја имала владата на Костас Караманлис во 2008 година.

Бакојани истакна дека уште од октомври предупредува на опасноста дека членките на НАТО ќе сакаат да притиснат за Македонија да добие покана за членство на самитот во јули.

– Неопходно е огромно внимание за зајакнатата улога што ја има Скопје, како и притисокот што ќе се изврши на Грција. Тоа ќе биде важен притисок, а Грција денес ги нема сојузништвата што ние ги имавме тогаш. Ние имавме сојузништво со шест големи влади на Европа. Се наоѓаме во тешка позиција – предупреди Бакојани.

Таа остро го критикуваше министерот за надворешни работи, Никос Коѕиас, дека води пасивна надворешна политика, коментирајќи дека никаде во странство не ја гледа активноста на грчката дипломатија.

– Во оваа фаза е потребна многу сериозна подготовка од грчкото министерство за надворешни работи, која не ја гледам. Гледам еден непостоечки Коѕиас кој ни држи лекции во собранието што смее, а што не да зборува лидерот на опозицијата. Коѕиас во надворешната политика го нема никаде – истакна Бакојани, која е на чело на секторот за надворешна политика во Нова демократија, откако нејзиниот брат, Кирјакос Мицотакис, го презеде лидерството на најголемата опозициска партија во земјата.

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Марш за видливост на трансродовите лица утре пред Влада

Граѓанската иницијатива за заштита и унапредување на правата на трансродовите лица „ТрансФормА“ соопшти дека во пресрет на 31 март, Меѓународниот ден за видливост на трансродовите лица, утре со почеток...