fbpx

Бајдевски: Бројот на дигитални услуги достигна 227, активно се користи порталот за е-услуги

-

На порталот „е-услуги“ се објавени вкупно 917 услуги, а постојано се зголемува бројот на дигитални услуги кој сега изнесува 227, изјави заменик-министерот за информатичко општество и администрација Александар Бајдевски на панелот „ЕУ интеграции и реформски можности“ во рамки на годишната конференција „Година на нови можности“.

Бајдевски истакна дека Министерството за информатичко општество и администрација (МИОА) континуирано работи за обезбедување модерна и ефикасна јавна администрација базирана на дигитализација, а ги посочи и активностите за изработка на новата Стратегија за реформи на јавната администрација.

„Наша цел е деполитизирана администрација која ќе биде транспарентна и отчетна, каде ќе владее европскиот систем на вредности, со мерит систем и голема професионалност“, рече Бајдевски.

Во однос на дигитализацијата, изработена е нацрт Националната ИКТ Стратегија 2023-2027 и истата веќе е објавена на ЕНЕР системот, додека системот за Централен регистар на население е проширен со функционалности кои овозможуваат брза интеграција со системот на Државната изборна комисија (ДИК).

Кога станува збор за Националниот портал за е-услуги, Бајдевски рече дека тој активно се користи од граѓаните и бизнисите.

„За 88 e-услуги може да се аплицира директно преку Националниот портал uslugi.gov.mk, а за 139 е-услуги може да се аплицира на надворешни информациски системи на институциите. За првпат е обезбедено комплетното конкурирање за програмите на Министерството за култура, да оди преку онлајн процес. Во 2022 година развиени се вкупно 42 е-услуги, од кои 22 е-услуги на МВР и 20 е-услуги на Министерство за култура“, истакна заменик-министерот за информатичко општество и администрација.

Бајдевски информираше и дека за Платформата за интероперабилност, можност за размена на податоци и информации имаат 52 институции и приватни компании.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...