Најмалку четворица цивили загинале, а 120 се ранети во самоубиствен бомбашки напад што ноќеска се случил пред германскиот конзулат во Авганистан, јавуваат светските агенции.
Нападот го извршил бомбаш самоубиец, кој со камион наполнет со експлозив удрил во зградата каде е сместен германскиот конзулат во градот Мазар е Шариф, во северниот дел на Авганистан. По експлозијата, друго лице отворило оган кон германските и авганистанските сили, распоредени околу конзулатот, кои веднаш возвратиле.
Одговорноста за нападот ја презеле талибанците, во знак на одмазда за минатонеделните воздушни напади во провинцијата Кундуз.
Од локалната полиција соопштиле дека најмалку едно лице е уапсено, поради сомневања за поврзаност со нападот.
