„Атлантик група“ потпиша договор за стопроцентно преземање на компанијата „Фудленд“ ДОО, со седиште во Белград и со погони за производство во подножјето на Копаоник, во населбата Игрос. Преземањето формално стапува на сила откако ќе биде одобрено од Српската комисија за заштита од конкуренција, кое се очекува на почетокот од наредната година. Во 2014 година се очекува вкупен промет од осум милиони евра. Производите на „Фудленд“ се присутни во повеќе од 20 земји, а околу една третина од вкупното производство се извезува на пазарите надвор од регионот. (Западна Европа, Америка, Австралија, Русија, Јапонија).
„Атлантик група“ е една од водечките прехранбени компании во регионот, a носечката марка со најголем меѓународен потенцијал во рамките на оваа стратегиска област е „Аргета“.
