fbpx

Атина со демарш до Виена за состанокот со државите од Западен Балкан

-

Грција испрати протестна нота до Австрија поради одлуката таа да биде изолирана од самитот на држави од Западен Балкан за бегалската криза, што утре ќе се одржи во Виена.

Политичкиот директор на грчкото министерство за надворешни работи, амбасадорот Петрос Мавроидис, вчера на австрискиот амбасадор во Грција му доставил демарш за иницијативата на Виена да се организира состанок меѓу австриското МНР и сите држави од Западен Балкан, но без Грција. Иста протестна нота испратил и грчкиот амбасадор во Виена до австриското министерство за надворешни работи.

Мавроидис по инструкции на министерот за надворешни работи, Никос Коѕиас, во писмото истакнува дека овој состанок се оценува како еднострана иницијатива која воопшто не е пријателска кон Грција и со која се планира да се донесат одлуки што директно ќе ја засегнат Грција и ќе влијаат на грчките граници.

Во писмото е изразено и изненадување што Австрија се одлучила на ваков чекор само неколку часа по завршувањето на Европскиот совет, на кој се дискутирало за бегалската криза и биле донесени конкретни заклучоци. Грција, било истакнато, носи тежок товар на бегалската криза предизвикана од одлуки на трети страни, но и покрај тоа ќе продолжи да ги штити принципите, вредностите, визијата и името на Европската унија.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Украинската одбрана соборила 84 руски воздушни цели

Ноќеска Русија изврши уште еден масовен воздушен напад врз украински објекти за гориво и енергија, соопшти украинската одбрана. Непријателот ја нападнал Украина со 60 беспилотни летала Шахед и 39 проектили...