Министерството за надворешни работи на Грција денеска апелираше државниот секретар за европски прашања во Министерството за надворешни работи на Германија, Михаел Рот, „да се воздржи од лекции по историја“ кога ги посетува балканските земји.
„Го повикуваме германскиот заменик-министер за надворешни работи, Михаел Рот, да биде повнимателен кога ги посетува балканските земји, да избегнува да се обидува да дава лекции по историја и да го покаже потребното почитување за чувствителноста на неговите европски партнери“, стои во реакцијата на грчкото МНР, по повод вчерашната изјавата на Рот во Скопје дека „никој надвор од Македонија и од Грција не го сфаќа спорот, кој е сосема апсурден“.
Рот вчера на заедничката прес-конференција со шефот на македонската дипломатија, Никола Димитров, рече дека треба да се остави историјата да си остане историја и да се движиме кон заедничка иднина.
