Наградата за истражувачко новинарство „Јашар Еребара“ за 2016 година, што ја доделува Здружението на новинари на Македонија, ја доби новинарот Владо Апостолов.
Признанието му се додели за три истражувачки текста објавени на „Призма“, за имототите кои се поврзуваат со поранешниот претседавач на Советот во Општина Центар и директор на МЕПСО, Владимир Здравев, а сега член на одборот на директори на „Македонски телеком“.
Добитник на наградата „Крсте Петков Мисирков“ за животно дело е фоторепортерот Ѓорѓи Личовски.
Мефаил Исмаили од телевизијата „Шења“ доби специјална награда од ЗНМ.
