fbpx

„Анима мунди“ бара да се затвори битолската зоолошка градина поради негрижата за животните

-

Организацијата за заштита на животните „Анима мунди“ побара итно затворање на битолската зоолошка градина, откако посетителите денеска на социјалните мрежи објавија фотографии од мртов волк и од мртви птици во кафезите, од мајмуни кои изгледаат прегладнето и дехридрирано.

„Бараме итно затворање на „Зоо Битола“ и најстрога казна за одговорните лица за мачење, негрижа на животните, континуирана закана и опасност по жителите на градот. Потсетуваме, тоа е зоолошка во која противзаконски се заловуваат, сместуваат и се убиваат бездомните кучиња во Битола, зоолошка во која пред некоја година избегаа два волка и беа застрелани, но за тоа не одговарал никој иако поднесовме кривични пријави“, велат од „Анима мунди“.

Од организацијата најавија дека в понеделник ќе поднесат кривични пријави и ќе бараат одземање на дозволата за работа на „Зоо Битола“, како и одземање на сите животни и нивно донирање во центри за ресоцијализација на диви животни во Европа.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Ангеловска-Бежоска: Земјите од Западен Балкан годишно губат 18 отсто од БДП поради родовиот јаз на пазарот на труд

Последователните економски шокови изминатите години дополнително го отежнуваат намалувањето на родовата нееднаквост, поради нивното понеповолно влијание врз женската популација. Кај повеќето земји од регионот на Западен Балкан стапката на...