fbpx

Анѓушев: Изградени се околу 42 отсто од првата делница на пругата кон Бугарија

-

Најдоцна до средината на 2020 година ќе биде завршена изградбата на железничката линија од Куманово до Бељаковце. Вицепремиерот задолжен за економски прашања Кочо Анѓушев, заедно со министерот за транспорт и врски Горан Сугарески и директорот на Македонски железници – Инфраструктура Ирфан Асани, извршија увид во реализацијата на првата фаза од пругата кон Бугарија.

– За оваа година и половина изградени се околу 42 проценти или со други зборови завршени се околу 70% од градежните активности – нагласи вицепремиерот Анѓушев.

Министерот за транспорт и врски Горан Сугарески објасни дека градежните работи на пругата од Куманово до Бељаковце веќе се интензивираат на терен. До крајот на годинава ќе биде завршена изградбата на самата пруга, додека поставувањето на електричните уреди долж пругата ќе биде довршено догодина.

Првата делница од проектот за железничко поврзување со Бугарија ја гради германската компанија Вибе и чини околу 40 милиони евра, средства обезбедени преку заемот од Европската банка за обнова и развој (ЕБОР).

Вицепремиерот Анѓушев денеска нагласи дека тендерската постапка за втората делница од пругата кон Бугарија е во фаза на евалуација. До крајот на 2019 година треба да се избере изведувачот на работите, а градежните работи на потегот меѓу Бељаковце и Крива Паланка би отпочнале кон средината на 2020 година. Финансиите за втората фаза од проектот се обезбедени преку грант од ВБИФ во висина од 68 милиони евра, додека останатите средства се од заем од ЕБОР.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Распишан конкурс за наградата „23 Октомври“

Одборот за доделување на државната награда „23 Октомври“, распиша конкурс за доделување на државната наградата за 2024 година. „Со државната награда се оддава највисоко признание за долгогодишни остварувања во областа...