fbpx

Ангеловска-Бежоска: Граѓаните и натаму претпочитаат да штедат во банкарски депозити

-

Нашите граѓани и натаму претпочитаат да штедат во банкарски депозити, пред останатите расположливи инструменти, рече денеска гувернерката на Народната банка, Анита Ангеловска-Бежоска на одбележувањето на Светскиот ден на штедењето.

„Со крајот на минатата година, банкарските депозити зафаќаат околу две третини од вкупната финансиска актива на населението и ова учество е зголемено споредено со преткризниот период. Следни според обемот се пензиските заштеди, кои учествуваат со 17 проценти, додека заедничкото учество на вложувањата во хартии од вредност и во удели во инвестициски фондови е осум проценти, а на полисите за животно осигурување нешто над еден процент. Според Извештај на Виенската иницијатива причините за конзервативниот однос на домашното население кон други инвестициски алтернативи, и во услови на опаѓачки каматни стапки, може да се лоцираат во сѐ уште недоволно изградената инвестициска култура што доведува до слаб интерес за вложувања на пазарот на капитал“, додаде Ангеловска-Бежоска.

Таа додаде дека амбиентот на ниски каматни стапки што веќе подолго време е наша реалност, се чини дека ќе се задржи и во следниот период.

„Падот на каматните стапки досега не влијаеше позначително врз склоноста на нашите граѓани за штедење во банките, што е важно за одржувањето на севкупниот финансиски сектор. Имајќи предвид дека во нашата економија депозитите претставуваат главен извор на финансирање на банкарските активности, за домашните банки е важно и во следниот период да одржат конкурентни услови за штедењето“, додаде гувернерката.

На крајот на третиот квартал вкупните депозити изнесуваа 6,4 милијарди евра и забележаа годишен раст 10,1 отсто во однос на 2018 година. Депозитите на населението во истиот период забележаа годишен раст од 9,3 отсто и достигнаа 4,3 милијарди евра.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...