fbpx

Ангеловска-Бежоска: Централната банка во пандемијата има клучна улога за обезбедување финансиска стабилност

-

Народната банка има витална улога во ублажувањето на влијанието на кризата и нејзината професионалност и независноста, се клучни предуслови за обезбедувањето на целокупната стабилност на економскиот и на финансискиот систем. Ова го посочи директорката на ММФ, Кристалина Георгиева, на вчерашниот состанок со гувернерката на Народната банка, Анита Ангеловска-Бежоска, на кој се разговараше за важноста на силните и кредибилни институции, особено во услови на криза, и за зачувување на довербата и поддршка на домаќинствата и компаниите.

„За нас е особено важно што имаме меѓународен партнер со силен интегритет, професионализам и стручност, којшто постојано вложува во подобрувањето на нашите капацитети и ни помага во зацврстувањето на нашата улога во општеството“, рече  Ангеловска-Бежоска, нагласувајќи ја поддршката и партнерството со ММФ.

На состанокот беше истакнато дека на глобално ниво е потребна будност и претпазливост во овие околности и поради неизвесноста околу времетраењето и последиците од пандемијата. Во политиките на финансискиот сектор треба да има мерки за зајакнување на отпорноста на финансискиот систем и во тој контекст е неопходна претпазливост при распределба на дивидендата, како важен чекор во градењето на капацитетот на системот.

Доброволното учество на Народната банка во пилот-оценувањето на усогласеноста со Кодексот на ММФ за транспарентност на централните банки, беше оценето како важен влог за зајакнување на транспарентноста и интегритетот на институцијата.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...