Со ѕвончиња во рацете, денеска триесетина граѓани, заедно со генерал Стојанче Ангелов, пред влезот на Обвинителството ги повторија барањата, Марко Зврлевски да си даде оставка и да се објасни врз основа на која одлука забранува МРТВ да ги објавува политичките „бомби“ на опозицијата.

Барање-до-ЈО-Стојанче-Ангелов

– Не знам што прави овој човек сè уште во обвинителството. Нека ја напушти функцијата, има чесни обвинители што можат да го заменат. Со ѕвона, кои останаа од кравите на Субрата Рој, ќе го будиме Зврлески, ги најдовме на едно место оставени од кравите на Субрата Рој. Со овие ѕвона ќе се обидеме да ја разбудиме совеста на Зврлески бидејќи велат дека тој имал совест, ама му била заспана – рече Ангелов.

Како што рече Ангелов, секој ден, точно напладне, ќе се блокира влезот на Јавното обвинителство сè додека Зврлевски не си поднесе оставка.

Освен оставката, Зврлевски побара и апсење на Груевски, поради криминалите тешки милиони евра.