fbpx

АМСМ: Сообраќајот се одвива по влажни коловози, се препорачува внимателно возење

-

Сообраќајот на државните патишта во Македонија се одвива по претежно влажни коловози. Во Маврово, Крива Паланка и на планинскиот премин Ѓавато има врнежи од слаб снег, додека во источните делови од земјава дува засилен ветер од северен правец, информираат утрово од Автомото-сојузот на Македонија (АМСМ).

Сообраќајот на магистралниот пат А3, односно Ресен – Битола – Прилеп, кај населбата Баир, кој беше во прекин од вчера во 18.10 часот, поради блокада од страна на локалното население, од утринава во 8.30 часот е повторно нормализиран.

Во клисурите и во засеците можна е појава на помали одрони, особено на патните правци Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен-Буково.

Интензитетот на сообраќај на патните правци надвор од градските средини е умерен, а на граничните премини нема подолги задржувања за влез и за излез од земјата (оваа информација се однесува само за македонската страна на премините).

Од АМСМ препорачуваат внимателно возење, прилагодена брзина на движење и почитување на поставената сообраќајна сигнализација.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...