fbpx

АМСМ: Отежнато движење по патиштата поради одрони

-

Сообраќајот по одделни патишта во земјата се одвива отежнато или е во прекин поради одрони и поплави, информираат од АМСМ.

На патниот правец Катланово – Велес, по наплатната станица Сопот, одронот е исчистен, но сообраќајот превентивно се одвива по една сообраќајна лента во должина од 200 метри, а поставена е соодветна сообраќајна сигнализација.

На патниот правец А2 Хиподром – Сарај (обиколница на Скопје), на седмиот километар кај Смиљковци, се излева вода на коловозот во двата правци во должина од 10 до 15 метри. Поставена е соодветна сообраќајна сигнализација од страна на ЈП „Македонија пат“ и на овој дел од патот се препорачува внимателно управување со возилата и брзина на движење до 30 километри на час.

На патниот правец Страцин – Крива Паланка, на излез од Страцин во правец на Крива Паланка, поради свлечиште зафатена е третата лента од коловозот во должина од 150 метри. На самото место поставена е соодветна сообраќајна сигнализација.

Прекин на сообраќајот има на патниот правец Кочани – Македонска Каменица, поради големи одрони од камења. Сообраќајот е во целосен прекин за секаков вид моторни возила и се пренасочува преку Виница – Берово – Делчево.

Поради голем одрон на патниот правец Р-2132 Македонски Брод – Скопје, поточно Близанско – Козјак, на 1,6 километри по браната, има забрана за сообраќај за секаков вид моторни возила.

Сообраќајот на патниот правец Марвинци – Гевгелија е во прекин поради излеана вода од река Вардар на подвозникот.

Сообраќајот на патните правци Кочани – Зрновци и Тработивиште – Разловци е во прекин поради попуштање на мостовите на реката Брегалница. Алтернативен пат за Тработивиште е стариот пат Делчево – Тработивиште.

Во општина Пробиштип, поради свлечиште, и понатаму е во прекин сообраќајот за сите видови моторни возила на патниот правец Киселица – Злетово. Возилата се пренасочени од Киселица – Пробиштип – Леговец – Злетово.

На локалниот пат за село Покрајчево кој го поврзува магистралниот пат А-4 Радовиш – Струмица, поради излевање на Радовишка Река, сообраќајот е во прекин и истиот се одвива преку село Подареш – Радовиш.

Регионален патен правец од село Тополчани кон село Клепач поради премногу вода е во прекин за секаков вид сообраќај.

Патниот правец Битола – Старавина Р-1311, 8 километри пред село Новаци, затворен е за сообраќај поради висок водостој.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Петровска го доби Ковачки на суд и се откажа од 10.000 евра што требаше тој да ѝ ги плати за клевета

Основниот граѓански суд - Скопје утврдил граѓанска одговорност за клевета врз министерката Славјанка Петровска од Драган Ковачки од ВМРО-ДПМНЕ. Петровска на својот профил на Фејсбук ја објави пресудата. „Како што...