Американскиот секретар за одбрана, Чак Хејгел, поднесе оставка под притисок на претседателот на Барак Обама.
Обама, како што наведува „Њујорк тајмс“, уште во петокот донел одлука да побара оставка од својот министер за одбрана, единствениот републиканец во државниот безбедносен тим, по серија состаноци што ги имал во последните две недели.
Одлуката на Обама да го смени Хејгел, претставува „признание“ дека заканата која ја носи Исламската држава бара поинаква способност од оние поради кои секретарот за одбраната е доведен на таа функција.
Хејгел е поставен за да управува со повлекувањето на војската на САД од Авганистан и со намалувањето на буџетот на Пентагон во време кога се воведуваат мерки за штедење.
– Сепак, следните неколку години барале поинаков фокус – вели неименуван извор од администрацијата.
Според изворот на „Њујорк тајмс“, Хајгел не е отпуштен туку сам ги иницирал разговорите со претседателот за својата иднина и двајцата заеднички одлучиле оти е време да ја напушти функцијата.
