Американската амбасада во Киев, Украина добила информации за потенцијален воздушен напад денеска и ќе биде затворена, соопштија од американскиот Стејт департмент за конзуларни прашања во објава на социјалната мрежа „Х“, а пренесе Гардијан.
На граѓаните на САД им препорачуваат да бидат подготвени за веднаш да се засолнат во случај да биде објавена воздушна тревога.
Американскиот Стејт департмент за конзуларни прашања на својата интернет страница објави известување во кое се вели дека затворањето било „поради изобилство на претпазливост“.
Амбасадата добила конкретни информации за значаен воздушен напад на 20 ноември. Вработените добиваат инструкции како и каде да се засолнат, пишува „Гардијан“.
Предупредувањето доаѓа еден ден откако Украина ги искористи американските ракети „ATACMS“ за да ја нападне руската територија, искористувајќи ја новододелената дозвола од администрацијата на американскиот претседател Џо Бајден.
