Амбасадата на Соединетите Американски Држави во Македонија изрази загриженост поради последната одлука на претседателот Ѓорге Иванов да ги запре сите судски процеси што се водат против политичари во Македонија.
„Чекаме понатамошни детали и појаснувања. Меѓутоа, изјавата на претседателот предизвикува сериозна загриженост за посветеноста на Македонија на вледеењето на правото“, стои во реакцијата на Амбасадата на САД.
Иванов, во својот говор, објасни дека одлуката за аболиција ја донел сам, бидејќи Договорот од Пржино не ги дал саканите резултати, односно дека државата сè уште е во политичка криза, која нема изгледи да заврши ниту со претстојните избори.
