Алтернатива вчеравечер донела одлука да стане дел од владејачкото мнозинство. Како што соопштија од партијата чиј претседател е Африм Гаши, одлуката е донесена на седницата на Централното собрание, а повеќе детали ќе бидат соопштени денеска на прес-конференција со почеток во 13 часот, што ќе ја одржат Гаши и премиерот Зоран Заев.

Алтернатива има четири пратеника. Посочи дека добива места во новата влада.

Партијата порача дека во досегашните преговори со Заев се договориле владата да бара меѓународна истрага за случаите каде што има сомнежи за политичка импликација, како што се: Монструм, Алфа, Дива Населба, Алмир Алиу итн.

„Сметаме дека постигнувањето на овие договори е голема победа за нашата држава, за Албанците во Северна Македонија и пошироко, но и партиска победа на Алтернативата“, се вели во партиското соопштение.