Струшката полиција поднела кривична пријава против албанскиот државјанин Г.Б. (22) и Д.З. (39) од селото Радолишта, кои се осомничени дека на средината од декември минатата година со неколку истрели од огнено оружје се обиделе да го убијат А.С. (36) од селото Велешта.
Според полицијата, осомничените на 16 декември, околу полноќ, со возило, марка „ровер“, што го управувал Д.З., пристигнале пред домот на А.С. на локалниот пат Велешта – Октиси, по што првоосомнчениот Г.Б. истрелал неколку куршуми, кои завршиле во грбот, стомакот и во екстремитетите на велештанецот.
Повредениот А.С. итно бил пренесен во општата болница во Струга, а на местото на настанот бил извршен криминалистичко-технички увид, каде полициските екипи пронашле осум чаури, калибар 7,65 милиметри, еден проектил и еден дел од проектил.
Според пријавата, албанскиот државјанин и Д.З. се товарат за обид за убиство.
