Во Клубот на пратеници почна средбата на претседателите на ВМРО-ДПМНЕ, СДСМ, ДУИ и на ДПА, Никола Груевски, Зоран Заев, Али Ахмети и Мендух Тачи.
Се очекува лидерите на партиите потписнички на Договорот од Пржино да го кажат последниот збор околу спорните прашања за законот за влада и за законот за приватност.
На средбата присуствуваат и амбасадорот на Соединетите Американски Држави (САД) во земјава, Џес Бејли, и белгискиот олеснувач Питер Ванхауте.
Доколку лидерите на политичките партии вечерва се договорат за нерешените прашања поврзани со Договорот од Пржино, можно е законите уште утре да се најдат на собраниска седница.