fbpx

Ајфеловата кула почна да произведува струја

-

Една од најголемите знаменитости на Париз, Ајфеловата кула, неделава стана и нова икона за обновлива енергија со две ветерници кои ги вгради американската фирма „Урбан грин енерџи“.

Американската компанија соопшти дека ветерниците можат да обезбедат околу 10.000 киловати струја, што одговара на количество што во текот на една година го троши комерцијалниот дел од првиот кат на кулата, пишува лондонски „Гардијан“.

Произведувачот наведува дека двете турбини се речиси нечујни, а бидејќи се во боја, тешко може да се разликуваат од металната конструкција на кулата.

Ветерниците се поставени на висина од 120 метри, што овозможува и оптимално да се користат постојаните воздушни струења.
Вертикалната осовина на турбините произведува помалку струја од класичните, но тие се дизајнирани за градски подрачја во кои ветровите се помалку предвидливи и често ја менуваат насоката.

Во рамки на програмата за обнова, на Ајфеловата кула се вградени и штедливи ЛЕД-светилки и соларни грејачи, како и постројки што ја искористуваат дождовницата.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Петровска: Членството во НАТО отвора можност за развој на науката и технологијата

„Членството во НАТО на сите членови на академската заедница- професори, истражувачи и студенти им отвора нова димензија на поддршка, на можност за соработка со колегите од сојузничките и партнерски...