fbpx

Ахмети на средбата со амбасадорот Бејли: Да се почитува договорот од 2 јуни

-

Лидерот на Демократската унија за интеграција (ДУИ), Али Ахмети, денеска се сретна со амбасадорот на САД во земјава, Џес Бејли, во седиштето на партијата во Тетово, на која, како што соопштуваат од ДУИ, разговарале за политичката криза по разговорите во Брисел.

„Претседателот Ахмети истакна дека договорот од 2 јуни треба да се почитува од сите потписници и треба да се прават напори за прецизно спроведување. Договорот предвидува зајакнување на институциите и зголемување на кредибилитетот и на интегритетот на системот што е услов, но и европски стандард. Партиските лидери треба да се надминат себеси и партијата што ја претставуваат и да почнат да размислуваат за земјата, граѓаните и за иднина“, стои во соопштението од ДУИ.

Во врска со објавувањето на прислушуваните разговори, во соопштението се вели дека „лидерот Ахмети останува на истиот став, но разговорите не смеат да бидат намерно извлечени од контекст и да се опишат со непостоечки атрибути бидејќи на тој начин се менува суштината и значењето на разговорот“.

„Токму ваквото толкување носи сомнеж врз кредибилитетот на процесот кој може да се користи за политички цели“, велат од ДУИ.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Оживува пропагандата за непостоечка продажба на органи од украински војници

Проверувачи на факти од Украина веќе пишуваат дека ова видео претставува дел од руската пропаганда. Центарот за борба против дезинформации објавува на Фејсбук дека станува збор за невистина. Во...