Во хотел „Александар палас” вчеравечер агенција „Марили” го одржа 24. по ред традиционален бизнис-настан „Жена менаџер”, на кој беа доделени признанија на топ 10 најуспешни жени менаџери за 2019 година.

Признанија добија: Мерита Рамадани Алими, директор за бизнис и развој во DOGAN Air Conditioning Solutions, Маја Бабиќ, извршен и оперативен менаџер во „Баги Комуникации”, Татјана Дејаноска, директор на продажба во „Циклама инжинеринг” – Гостивар, Д-р Даниела Димитрова, сопственичка на Центар за дентална и естетска медицина „Перла”, Наталија Дренковска, менаџер за административни работи и набавки во ТАВ Македонија, Олга Јосевска, оперативен менаџер во „Comodita Home” – Македонија, Даниела Китанова, менаџер во Електродистрибуција ДООЕЛ Скопје , EVN Group, Магдица Костадинова, извршен менаџер на „Еуро Консалт Плус” и „ЕКП Травел”, Марија Кукуновска, генерален менаџер на „БИСПАГ Противпожарна Техника” и Жанета Џафер, генерален менаџер на „Жанета Естетик” – студио за убавина.

Истовремено беше доделено и специјалното признание на директорката на Универзитетската клиника за инфективни болести и фебрилни состојби д-р Милена Стевановиќ, за успешно менаџирање во услови на вонредна состојба наметната од пандемијата со ковид-19.

Како што информираат од агенцијата „Марили“ годинава се одбележува и петгодишниот јубилеј на Марили бизнис клуб во кој членуваат сите досегашни избрани жени-менаџерки, вкупно 240 на број, како и други почесни членови кои даваат поддршка на овој проект на агенцијата.