Палестинскиот претседател Махмуд Абас соопшти дека со претставниците на Јордан повторно разговарал за покренување резолуција во Советот за безбедност на ОН за формирање палестинска држава. Изјавата на Абас доаѓа една недела откако беше отфрлена резолуцијата со која се бараше Израел да се повлече од окупираните територии до крајот на 2017 година.

– Не сме разочарани, туку нè разочара Советот за безбедност. Повторно ќе одиме во Советот за безбедност, зошто да не? Можеби по седум дена – соопшти Абас, додавајќи дека повторно ќе ги постават истите барања.

Резолуцијата не успеа да добие девет гласа „за“, колку што е потребно за да биде усвоена во Советот за безбедност. „За“ гласаа осум земји, против беа две, САД и Австралија, а пет беа воздржани.