Во склоп на новогодишниот прокет „A Cappella Christmas Carols“ изведен од страна на македонската поп пеачка, Сара Мејс, во придружба на пеачките Полина Тасева, Калина Велковска, Теа Богатинова и Емилија Колоска кон крајот на месец декември минатата година беше снимен видео запис од нивната преработена изведба на светски познатиот хит „Santa Claus is Coming to Town“.
Сара Мејс и „божиќните девојки“, како уште се нарекуваат во почетокот на 2022 година подаруваат ново, празнично издание на 8 новогодишни и божиќни песни преработени во а капела стил. Во плејлистата се препознаваат магичните мелодии на „Santa Claus is Coming to Town“, „Jingle Bells“, „Deck the Halls“, „I’ll be Home for Christmas“, како и „Елко Елко“, „Joy to the World“, „Среќна Нова Година“, „The First Noel“.
„Да се биде дел од ваков проект и тоа со вакви прекрасни професионалци, е вистинско
задоволство. Посебно кога ќе се спојат талентирани музичари со желба да се создаде
нешто уникатно за празниците со помош на музиката. Одзивот и коментарите, кои што ги добивме за овој проект, како и за нашите изведби на овие омилени преработки, беа
најглавната мотивација да го финишираме и претставиме самиот проект, како и секоја
песна, во најоригиналната можна верзија, – дел на англиски, а дел на македонски јазик. Сепак тоа е она кое што најмногу нѐ исполнува сите,“ изјави Сара Мејс.
Целата компилација може да се слушне ТУКА.
Сите песни се снимени во македонското музичко студио „Алшар“.
