80 дела пристигнале на конкурсот за традиционалните награди на Друштвото на писатели на Македонија.
Книгите конкурираат за наградите „Ацо Шопов“ за поезија, „Стале Попов“ за проза, „Димитар Митрев“ за критика и есеистика, „Ванчо Николески“ за книга за деца и „Мостови“ за најдобра книга напишана на еден од јазиците на националностите.
Книгите, според конкурсот, треба да бидат доставени до крајот на овој месец, а наградите ќе бидат врачени во февруари идната година, на свеченоста по повод јубилејот од основањето на Друштвото на писатели на Македонија.
Одлуките за најуспешните остварувања ќе ги донесат жири-комисии составени од 15 истакнати писатели.
