fbpx

Олег Николаевиќ Шчербак: Охрид е непроценлива духовна ризница на Македонија

-

Охрид претставува непроценлива духовна ризница на Македонија, која ги негува сеќавањата на големите христијански придвижници. Токму тука во Охрид, живееше и ја вршеше својата просветителска дејност ученик на Кирил и Методиј, Свети Климент Охридски, рече амбасадорот на Руската Федерација, Олег Николаевиќ Шчербак, на чинот на отворањето на почесниот конзулат во Охрид.

За него тоа претставува значајна етапа во руско-македонските односи, иако уште од 2002 година веќе постои слична институција во Битола, која е историски наследник на рускиот императорски конзулат, основан во истиот град во 1860 година.

– Нам многу ни е драго што отворањето на новиот Почесен конзулат на Руската Федерација во Охрид се одржува во време на многу значајни настани, кои повеќе векови духовно ги обединуваат Македонија, Русија и сите други словенски народи. Богатото искуство на императорскиот конзулат и неговата успешна творечка дејност, благотворно влијаеја врз зацврстување на односите меѓу нашите две земји и претставуваа битен аргумент за отворање на Почесниот конзулат на Руската Федерација во Охрид. Охрид идеално му одговара на такво претставништво. Градот не е само туристичка престолнина на Македонија, туку и регион кој е многу перспективен за развој на трговско – економска, научна и хуманитарна соработка- додаде Шчербак.

За почесен конзул на Руската федерација во Македонија, назначен е д-р Велимир Стојковски, ректор на УКИМ.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Контраспин: Силјановска не ги седна пензионерите во ложата на „Мапет шоу“

Контекстот во кој претседателската кандидатка на ВМРО-ДПМНЕ ја кажа репликата за „Мапет Шоу“, беше сосема поинаков од оној што го претстави СДСМ. Самата реплика воопшто не се однесуваше на...