fbpx

20.000 деца во Фалуџа чекаат да бидат ослободени од ИД

-

Во ирачкиот град Фалуџа, кој пред две години беше заземен од Исламска држава и каде што се водат жестоки битки, заробени се околу 20.000 деца.

Детскиот фонд на Обединетите нации предупредува дека децата се соочени со ризик од принудна регрутација и со одвојување од семејствата.

Од почетокот на ирачката воена операција во Фалуџа, 60 километри западно од Багдад, мал број семејства биле во состојба да го напуштат градот и многу од нив се повлекле во два логори, додека други се скриле кај роднини и кај членови на пошироките семејства.

Обединетите нации наведуваат дека од минатата недела 624 семејства успеале да ја напуштат Фалуџа, која е традиционално сунитско упориште.

Постои опасност дека Исламска држава би можела да ги искористи преостанатите цивили како човечки штит, а хуманитарните агенции наведуваат дека недостигаат храна и лекови и дека водата не може да се користи.

Премиерот Хајдер ал Абади апелираше до вооружените сили во земјата да ги заштитат цивилите додека траат борбите за ослободување на градот.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Израел ја бомбардира Сирија, има над 40 жртви

Израел го бомбардираше регионот околу градот Алепо во Северна Сирија, пренесува Гардијан. Израелските сили таргетирале членови на либанската паравоена организација Хезболах. Има повеќе различни контрадикторни информации за бројот на убиени,...