fbpx

Јункер и Туск: Ова е историска грешка!

-

Недавањето датум за почеток на преговорите на Северна Македонија и Албанија е грешка, порачаа и Доналд Туск, претседателот на Европскиот Совет и Жан Клод Јункер, претседател на Европската Комисија (во заминување), на попладневната прес-конференција во Брисел, на која соопштија дека Европскиот Совет не донел одлука да се дадат датуми за почеток на преговорите на Македонија и Албанија.

– Лично мислам дека ова е грешка и нема понатаму да коментирам – рече Туск.

Тој порача дека двете земји не смее да се откажуваат и оти верува дека еден ден ќе бидат полноправни членки на ЕУ.

– На нашите македонски и албански пријатели им порачувам: Ве молам не се откажувајте! Ја разбирам вашата фрустрација, но мора да да разберете дека ЕУ е политичко тело и некогаш треба време, но немам дилеми дека еден ден ќе бидете полноправни членки на ЕУ – рече Туск.

И претседателот на Европската Комисија, порачувајќи дека кога стапил на функцијата пред пет години, рекол дека нема да има проширување, оти нема земји подготвени за преговори, но дека се изненадил. И Јункер рече дека Европскиот Совет направил грешка не доделувајќи датум.

– Пред пет години,  реков дека во текот на петте години мој мандат нема да има нови проширувања. Многумина беа разочарани, но јасно беше дека нема напредок. А сепак се случи напредок. Вчера прашањето беше дали има кандидати за да почнат преговори и многу земји рекоа дека има кандидати што се целосно спремни. Тоа е тоа. И јас мислам дека беше историска грешка – рече Јункер.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ДИК: Jавен увид и промени во избирачкиот список може да се прават до вечерва на полноќ

Апелираме до граѓаните дека јавниот увид во Избирачкиот список како и промена, запишување и бришење на податоци ќе може да се направи уште денес, 18 март, до 24 часот, соопшти...