fbpx

Во урбаната акција за диви депонии маркирани се 30, а ги има повеќе од 300

Фотографиите со детални локации од над 50 диви депонии и ѓубришта кои беа опфатени во оваа акција ќе бидат испратени и до надлежните во министерството за екологија.

-

Центарот за современи уметности (ЦСУ) – Скопје, во рамките на акцијата за прогласување на депониите и ѓубриштата за автентично културно наследство, изминатите 10 дена посетиле над 200 депонии низ цела Македонија.

„Најубавите и најразвиените депонии кои се истакнуваа со својата диверзитетност и богатство, а истовреме и најдобро го упропастуваа пејзажот ги одблежавме со пригодни табли односно ги прогласивме за национално културно наследство кое мора да се заштитува и негува. Според сознанијата до кои дојдовме, при подготовката на оваа акција на територијата на Македонија има преку 300 диви депонии и скоро шест пати повеќе, односно над 1500 диви селски буништа и ѓубришта. Како најзагрозени и најбогати со депонии и ѓубришта можеме да ги посочиме Полошкиот регион, а зад него се Скопскиот и Кумановскиот регион иако ниту еден регион не заостанува значително“, вели Никола Писарев од ЦСУ.

Според него, интересен е фактот дека најголемото ѓубриште е долго преку 30 километри и се наоѓа по двата брега на течението на Вардар од Гостивар до Јегуновце каде практично куповите ѓубре, шут, стар мебел и отпад циклично се редат преку 30 километри, а најголемата раздалечина без ѓубре на овој терен е неполн километар.

Во рамките на оваа акција наменета за поддршка на иницијативите кои се борат за справување со ѓубрето и ѓубриштата со пригодни табли биле маркирани 30 ѓубришта и депонии во Скопскиот, Полошкиот, Кичевско-Охридско-Струшкиот и други региони.

Фотографиите со детални локации од над 50 диви депонии и ѓубришта кои беа опфатени во оваа акција ќе бидат испратени и до надлежните во министерството за екологија.

Акцијата е дел од проектот „Креативни заедници“ поддржан од УСАИД за граѓанско учество.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Украинската одбрана соборила 84 руски воздушни цели

Ноќеска Русија изврши уште еден масовен воздушен напад врз украински објекти за гориво и енергија, соопшти украинската одбрана. Непријателот ја нападнал Украина со 60 беспилотни летала Шахед и 39 проектили...