Денеска во Основниот суд Скопје 1 е закажано судењето на Зоран Верушевски за недозволено поседување оружје или распрскувачки материи.
Според обвинението, врз основа на кривичната пријава од МВР, при претрес на Верушевски, полицијата пронашла два пиштоли за кои не поседувал дозвола.
Неговиот адвокат, Ангеле Илиевски, во изјава за медиумите пред неколку месеци, рече дека еден од пронајдените пиштоли Верушевски го добил во 1983 година, додека вршел службена дејност и бил евидентиран во МВР и за него не е потребна дозвола, а другиот го добил во 1997 година како награда од поранешниот министер за внатрешни работи, Томислав Чокревски.
На поранешниот директор на Упрвата за безбедност и контраразузнавање ова му е прво рочиште за овој случај, откако почетокот на судењето претходно беше одложен.
Инаку, Зоран Верушевски е првоосомничен во случајот „Пуч“, каде заедно со лидерот на опозицијата, Зоран Заев, се товарат за кривичните дела шпионажа, односно насилство врз претставници на највисоките државни органи.
