„Везилка 2011“ ја објави на македонски јазик стихозбирката на Енес Халиловиќ „Ѕидови“, во препев и со поговор на Ристо Лазаров.
Халиловиќ, за оваа книга, минатата година ја доби наградата „Меша Селимовиќ“, едно од најпрестижните книжевни признанија во соседна Србија.
Добитник е и на наградите „Бранко Миљковиќ“ и „Ѓура Јакшиќ“.
Халиловиќ е автор уште на четири поетски книги, две книги раскази и на еден роман.
Негови книги се објавени на англиски, полски, француски, македонски и на турски јазик, а делата му се преведувани уште на петнаесетина јазици.