fbpx

Жбогар: Среќата е на страната на храбрите, но мора да сме трпеливи и да видиме

-

Европската унија гледа добра волја на двете страни за решавање на спорот за името меѓу Грција и Македонија, вели евроамбасадорот Самуел Жбогар во интервју за „ТВ 24“ и додава дека подобрената атмосфера ќе го олесни справувањето со ова чувствително прашање.

– Ги разбирам емоциите околу ова прашање, како и грижите и фрустрациите околу овој спор. Но, мора да се запрашате, начинот на кој се справувавте со ова во минатото, дали ја зајакна државата? Дали државата доживеа прогрес? Ако одговорот е „не“, тогаш дали сега е шансата барем да се проба да се реши проблемот. Шанса е зашто меѓу земјите-членки владее возбуда дека можеби можеме да ја придвижиме оваа земја напред зашто гледаме и ангажман и подготвеност од Грција, гледаме подобра атмосфера, и го гледаме овој прозорец следната година, кога никој нема избори, и можеби ќе може да се фокусира на ова прашање – вели Жбогар за Телевизија 24.

Евроамбасадорот во интервјуто истакнува дека е секогаш е добро да се биде оптимист, отколку да сте депримирани и да кажете дека не можете да направите ништо. Во контекст на тоа рече дека Владата изгледа спремно за ангажирање во разговори и иако нема гаранции дека тие ќе бидат успешни.

– Среќата е на страната на храбрите, па мислам дека мораме да сме трпеливи и да видиме. Досега имавме само една средба, мораме да почекаме што ќе излезе од тоа – рече Жбогар.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...