СВР Битола и Државниот инспекторат за земјоделство во координација со Министерството за земјоделство пронашле насади и обработка на тутун од типот „вирџинија“, кои не се пријавени и немаат договор со регистрираните откупувачи, а согласно Законот за тутун не смеат да се произведуваат.
Биле извршени претреси кај пет физички лица и едно правно лице од село Могила и биле одземени 24.826 килограми тутун „вирџинија“, а биле пронајдени шест ниви со насади од тутунот.
Државниот инспекторат за земјоделство петте физички лица ги казнил по 1.000 евра, а со 20.000 евра го казнил правното лице. Државниот инспекторат за земјоделство издал и три решенија за разорување ниви, а во постапка се издавање на уште три решенија за разорување ниви насадени со тутун од типот „вирџинија“.
