fbpx

Запалена уште една палма во Охрид

-

Доцна синоќа е запалена уште една од палмите засадени во Охрид. Ова е трет случај, при што синоќа гореше палма во центарот на градот, односно на езерскиот кеј Македонија.

Четириметарското дрво го запалил непознат сторител, а е изгаснато со интервенција на противпожарната екипа.
ЈП „Македонски шуми“, пред две години, од Кина набави околу 500 влакнести палми, од кои 200 завршија во Охрид, со намера првиот македонски туристички центар да биде прикажан како „град на палмите“!

Другите беа засадени во други македонски градови.

Во Охрид, барем третина од засадените веќе се исушија, иако комуналците минатата зима ги „облекуваа“ во дебела зимска наметка!

Граѓаните и тогаш и сега реагираат на оваа изнасилена одлука за која не биле консултирани, укажувајќи дека градот со нив не е украсен, туку нагрден и дека растенијата нема да успеат на локалните климатски услови.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Атлантик: Со среќа во борбата против дезинформации

Угледниот американски магазин Атлантик објави опширен напис, во авторство на Квинта Џуресик, со наслов „Со среќа во борбата против дезинформациите“. Сторијата се однесува на Ник Сојер, доктор во Калифорнија....