На Западен Балкан му се потребни структурни реформи, борба против корупцијата и надминување на уште многу други предизвици. Регионалната соработка е важна за економски напредок и развој.
Ова беше истакнато на прес-конференцијата предизвиците на земјите-членки на Коморскиот инвестициски форум во исполнување на планот на „Берлински процес“, за постигнување на подобра деловна клима во регионот.
– Регионот на Западен Балкан има 3 милијарди евра во меѓусебни инвестиции, што е уште еден доказ дека бизнисот е многу понапред во регионалната соработка отколку политиката. Пазарите на земјите од Југоисточна Европа, заедно зафаќаат само 6,5 отсто од пазарот во Европа и затоа мора да се работи на интернационализација на работењето и на заеднички настап. Излезот мора да се бара во драстично зголемена економска интеграција на регионот – беше истакнато на прес-конференцијата во Стопанска комора.
Меѓудругото, беше потенцирано дека нема веќе национални има само конкурентни и неконкурентни економии засновани на регионално поврзување.
– Европската унија до 2020 година за таа цел ќе издвои 82 милијарди долари и таа е последната шанса, Балканот да оствари некаков приклучок кон развиените земји и затоа е потребна акција – беше порачано на оваа конференција.
