fbpx

Заев упати честитка по повод Бадник и Божик

-

Претседателот на Социјалдемократскиот сојуз на Македонија, Зоран Заев, по повод големите христијански празници Бадник и Рождество Христово, Божик, во свое име и во име на СДСМ, упати честитка до поглаварот на Македонската православна црква – Охридска архиепископија, архиепископот охридски и македонски, г.г. Стефан, како и до сите верници од православна вероисповед во земјава.

„Вам лично, на членовите на Синодот, на ценетото свештенство и монаштво и на сите православни верници, во свое име и во име на Социјалдемократскиот сојуз, ви упатувам искрени честитки по повод големите празници Бадник и Рождество Христово, Божик, со најискрени желби за добро здравје и за лична, семејна и општествена благосостојба. Во духот на христијанските вредности, овие празнични денови, во секое срце нека внесат мир, во секој дом нека донесат топлина, светлина, радост и љубов и нека го зацврстат единството и почитувањето меѓу сите луѓе во земјава. Раѓањето Христово, Божик, е поттик за надеж и за верба во подобро утре“, стои во честитката.

Лидерот на СДСМ повика сите заедно да дадеме придонес во солидарноста и во толеранцијата, негувањето на човековите вредности: чесноста, слободата, заложбите за вистината и правдата, за да овозможиме спокен и среќен живот за сите граѓани во Република Македонија.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...