Претседателот на СДСМ и мандатар за состав на новата влада, Зоран Заев денеска пред средбата со претседателот на Движењето Беса, Биљал Касами во Собранието на Република Македонија, изјави дека речиси нема никакви шанси денеска да го достави составот на новата влада до Собранието, а малку е веројатно тоа да се случи и пред утрешниот конгрес.
– Не, не верувам дека денеска ќе стигнеме. Правиме напори, тоа зависи од сите политички партии, доколку со другите две политички партии или коалiции одржавме средба, еве денеска исто и со БЕСА. До вечерва касно продолжуваме посветени максимално, но како и да ја гледам работата, денеска тешко дека ќе стигнеме – рече Заев.
Тој потоа кажа и дека дефинитивно нема да има состав на владата пред утрешниот редовен 22 конгрес на СДСМ.
