fbpx

Заев – Тејада: Треба да се зајакнат капацитетите на Парламентот

-

Постои видлив прогрес во справувањето со предизвиците по промените во Македонија, а сега е момент да се зајакнат и капацитетите на Парламентот, што ќе придонесе кон развојот на почнатите демократски процеси. Ова го констатирале амбасадорката на Швајцарија во земјава, Сибил Сутер Тејада и високи претставници на американскиот Национален демократски институт (НДИ) на денешната средба со премиерот, Зоран Заев.

Тие, како што стои во соопштението за средбата, истакнале дека законите и нивните измени се носат во Парламентот и дека е потребна поддршка од целото општество за изградба на функционални парламентарни механизми.

Заев на средбата истакнал дека Владата е насочена кон почитување и зајакнување на Парламентот, институација која, како што рекол премиерот, за жал била деградирана години наназад.

– Затоа сме подготвени да работиме со НДИ и со сите што можат да помогнат во овој важен дел од демократскиот развој на Република Македонија – рекол Заев.

Тој додал дека зајакнувањето на Парламентот и носењето на квалитетна легислатива ќе ги постави институциите на своето место во општеството, а тоа е од интерес и на граѓаните и на државата.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...