fbpx

Заев се надева дека со Вучиќ ќе ги решат недоразбирањата

-

Без какви било предвремени заклучоци го почитуваме и поддржуваме повикот на официјален Белград да ги заштитиме билатералните односи меѓу Србија и Македонија и да воспоставиме стандарден кодекс на однесување, изјави премиерот Зоран Заев за српски „Блиц“ и изрази надеж дена на денешните разговори со претседателот Александар Вучиќ ќе се решат сите евентуални недоразбирања.

– Владата во Скопје никогаш ниту имала намера, ниту дала упатства за вршење какви било разузнавачки активности против која било соседна земја, вклучувајќи ја и Србија – рече Заев.

Тој вели дека владата е силно посветена на изградба на добрососедски односи со Србија.

– Уверен сум дека единствен конструктивен пристап е отворен и директен дијалог со сите прашања и пронаоѓање на взаемно корисно решение – вели Заев.

Премиерот Заев ги оцени како „лажни вести“ информациите дека македонската влада склучила договори со албанското малцинство на штета на српските интереси.

– Дозволете ми да бидам јасен, во нашата политика нема стратегија и политика на штета на Србија. Посветени сме на одржување и константна работа за јакнење на нашите билатерални односи со нашиот сосед, Република Србија. Нашиот пристап во надворешната политика за темели на политика на отворени врати, директен дијалог и добра волја која ќе решава проблеми, наместо да создава. Сметаме дека тоа е најефикасен начин за изградба на добрососедски односи, соработка и партнерство – рече премиерот.

Заев и Вучиќ денеска во 12 часот треба телефонски да разговараат за последните случувања во односите меѓу Белград и Скопје и повлекувањето на целиот персонал од Амбасадата на Србија во Македонија. Исто така се очекува денеска и шефот на македонската дипломатија Никола Димитров телефонски да разговара со својот српски колега, Ивица Дачиќ.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Петровска го доби Ковачки на суд и се откажа од 10.000 евра што требаше тој да ѝ ги плати за клевета

Основниот граѓански суд - Скопје утврдил граѓанска одговорност за клевета врз министерката Славјанка Петровска од Драган Ковачки од ВМРО-ДПМНЕ. Петровска на својот профил на Фејсбук ја објави пресудата. „Како што...