Премиерот Зоран Заев, придружуван од владина делегација на 26 јуни ќе оди во официјална посета на Република Австрија, а на 27 јуни во Република Полска, соопштија од владината прес-служба.
Во Виена, Заев ќе се сретне со федералниот канцелар на Република Австрија, Себастијан Курц, по што ќе имаат заедничка прес-конференција. Премиерот ќе има и средба во Парламентот на Австрија, ќе се обрати на дебата на тема „Заедничка европска иднина за Југоисточна Европа – Примерот на Македонија“. Во рамки на посетата Заев и владината делегација ќе имаат и средби со претставници на бизнис заедницата во Австрија.
Во Варшава, премиерот Заев ќе има средба и заедничка прес-конференција со полскиот премиер, Матеус Моравјецски.
