Претседателот на СДСМ, Зоран Заев, испрати честитка до новоизбраниот претседател на Република Франција, Емануел Макрон, кому од име на граѓаните на Македонија, СДСМ и од свое лично име му го честиташе изборот за претседател.
„Ги цениме и поздравуваме заложбите што ги негувате за слобода и за демократија во една обединета Европа, што е дополнително охрабрување за земјите кандидатки на ЕУ, како што е Република Македонија. Франција, како еден од столбовите на Европска Унија, има важна улога и за развојот, стабилноста и за безбедноста на целиот Балкански Регион и уверен сум дека Вашите политики ќе бидат дополнителен придонес и охрабрување за овие важни процеси. Граѓаните на Република Македонија силно го почитуваат придонесот на Република Франција за обновата на демократските процеси во Македонија, како и големата поддршка на евро-атлантските интеграции на нашата држава“, се вели во честитката.
Заев, покрај другото, во честитката вели дека очекува да се продолжи да се развива и да се продлабочува соработката помеѓу двете земји.
