!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Заев му го честиташе изборот на Штајнмаер за нов претседател на Германија


       
Скопје, 13 февруари, 2017 - 12:42 (META) 

Лидерот на СДСМ, Зоран Заев упати честитка до новиот претседател на Германија, Франк Валтер Штајнмаер, во која, меѓу другото ги поздравува неговите заложби, искажани по изборот, за „слобода и демократија во една обединета Европа, како важен импулс на охрабрување за земјите-кандидатки за членство во Европската Унија, како што е Република Македонија“.

„Германија има важна улога за развојот, стабилноста и безбедноста на целиот балкански регион. Граѓаните на Македонија силно го почитуваат вашиот личен придонес и придонесот на СР Германија за обнова на демократските процеси во Македонија како и поддршката на евро-атлантските перспективи на нашата држава. Како добар пријател на Македонија и како претседател на земјата-пријател на Македонија, СР Германија, очекувам дека во таа насока ќе ја продолжиме и ќе ја развиваме нашата соработка“, стои во честитката на Заев до Штајнмаер.