!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Заев: МРТВ ќе добие независни управни органи и независна уредувачка политика


       
Скопје, 24 ноември, 2017 - 14:57 (META) 

Работиме на законско решение за реформа во медиумите кое треба да доведе до комплетна независност на медиумите од извршната власт или други центри што можат да направат дисторзија, рече премиерот Зоран Заев во Собранието, одговарајќи на прашање од пратеникот Јован Митрески.

– Медиумите ќе ја вршат улогата на седмата сила и ќе бидат коректив на извршната власт, ќе ги фалат добрите постапки, а ќе ги критикуваат лошите. МРТ ќе добие независни органи на управување, како директор и финансов директор, независно финансирање, независна уредувачка политика. МРТВ повеќе нема да има потреба да земе пари од колачот од бизнис-секторот, кој ќе остане за приватните медиуми. Апелирам до медиумската заедница за конструктивен прилог. Решението произлегува од ЗНМ, од предлогот на Питер Ванхојте. Ако сакаме конечно да го донесеме законско решение. Ако не, само ќе го развлечеме процесот – рече Заев.