fbpx

Заев – Коѕиас: Ако Македонија се придвижи напред, тоа ќе биде добро за целиот регион

-

Само позитивен пристап во решавањето на отворените прашања меѓу државите, со меѓусебно почитување и разбирање, е иднината на регионот, истакнал премиерот Зоран Заев на средбата со шефот на грчката дипломатија, Никос Коѕиас, кој денеска е во посета на Македонија.

На сребата, која, како што соопштија од владината прес-служба, поминала во пријатна и во конструктивна атмосфера, Заев и Коѕиас се заложиле за „продлабочување на довербата помеѓу двете држави, низ принципиелни односи и меѓусебна грижа за интересите на двете држави и на народите во нив“.

Заев нагласил дека новата Влада е фокусирана на развивање добрососедски односи, на европските вредности што се имплементираат низ реформскиот план „3-6-9“, како и на активности важни за членството во НАТО, како што е зголемување на буџетот на Армијата.

– Ако Република Македонија се придвижи напред, тоа ќе биде добро и за целиот регион – рекол Заев.

Коѕиас на средбата истакнал дека Грција е отворена за ефикасно затворање на проблемите, дека сака стабилност во регинот и дека во Македонија гледа добар сосед.

– Ве поддржуваме во евро-атлантските аспирации. Сакаме стабилност во регионот и во вас гледаме добар сосед. Ние припаѓаме на мирољубиви држави. Република Грција нема геополитички и геостратешки интереси кон вашата земја. Отворени сме за ефикасно затворање на проблемите, кои некогаш може да значат и недоразбирања, преку респектирање на интересите на двете држави – рекол Коѕиас, кој, како чин на добра волја за продлабочување на соработката меѓу двете земји, понудил размена на искуства и на експертизи во реформскиот процес во нашата држава, важен за ЕУ и за НАТО.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Сојузот на синдикати најави три протести, првиот ќе се одржи во вторник

Работниците и граѓаните повеќе немаат изговор да не учествуваат на протестите што ги организира Сојузот на синдикатите на Македонија (ССМ), рече првиот човек на Сојузот, Слободан Трендафилов, на прес-конференција...