fbpx

Заев – Јанакакис: Создадена е позитивна атмосфера за градење доверба меѓу Македонија и Грција

-

Премиерот Зоран Заев денеска со грчкиот амбасадорот Димитрис Јанакакис разговараше за можностите што ги отвораат политиките на пријателство и на соработка во духот на меѓусебно почитување, соопштија од кабинетот на премиерот.
На средбата е констатирано дека е создадена позитивна атмосфера за градење доверба и за продлабочување на соработката меѓу Македонија и Грција.

– Пративме позитивни сигнали за добрососедска соработка, затоа што новата влада е определена за примена на европските вредности и на политики на градење мостови. Добиваме назад позитивни сигнали од нашите соседи, што ги сметаме за голем чекор во развојот на добрососедските односи и во отворањето перспективи за граѓаните и за Република Македонија – рече Заев, притоа повторувајќи дека стратешка определба на Македонија е членство во Европската Унија и во НАТО.

Грчкиот амбасадор Јанакакис изразил подготвеност за соработка меѓу двете земји на различни нивоа. Во таа насока, на средбата се разгледани и можностите, освен за унапредување на политичката клима на доверба, и за интензивирање на соработката меѓу Македонија и Грција на полето на економијата и инвестициите, културата, образованието, екологијата, туризмот, енергетиката, што се практична потреба на граѓаните на двете земји.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Сојузот на синдикати најави три протести, првиот ќе се одржи во вторник

Работниците и граѓаните повеќе немаат изговор да не учествуваат на протестите што ги организира Сојузот на синдикатите на Македонија (ССМ), рече првиот човек на Сојузот, Слободан Трендафилов, на прес-конференција...